الثلاثاء، 8 مارس 2011

فضفضة ريجيم 2

ســلاااااااامـ






آآآآآآه غرامي شي اسمه ( بيبسي )

يا جماعة طعمه مع الليمون والثلج عذااااب خاصة بعد وجبة دسمة


(( لعابي يسيل الآن ))


حاليا قاطعته بجميع انواعه واشكاله والوانه حتى الدايت وزيرو سعرااااات .


قاطعته لمدة شهرين فقط




يا ريتني ضعفت ، لأ ..!

آآآآآآه ... ساعات احس بالحنين والشوق اليه..


ساعات اقول من صجي ..!!

ساعات اقول انه ماعندي سالفة وخل ترجع ريما لعادتها القديمة !!




بس العقل يحكمني .... ويقول  :

وتعبج .. وصبرج .. تبينه  يروووووح ..!!






ويعود فيني المنطق من جديد ..



+++++++


والآن سويت غزو من نوع آآآخر ...





ليش مـــا أقطع الشاي ( الأحمر) بالمرى ...؟!

يلا علشان تكمل *_*

حاليا قطعت الشاي لمدة (يومين ) فقط لأني مدمنة شااااااي لحد الجنون :/

يازينه مع الزعفران وماي الورد

آآآآآآآآآآه ياقلبي



++++++++++++++++++++++++++++++






بالنسبة للحلويات والبطاط والكيك ×_×

مستحيل ,,,,,,,وما أقدر لو شنو !!

كل يوم اكلهم تقريبا ..

ريجيم أي كلام مو ...؟

شسوي ...؟؟؟؟؟؟


ادعولي بالهداية والصبر ..


مرسلة بواسطة في

هناك 7 تعليقات:

  1. Katkoota xD8 مارس 2011 في 11:14 ص

    اذا ما تقدرين تقطعين عن البيبسي و جذي

    جربي تاخذين اللي افتح شي .. لانه احسن

    و الخرابيط .. حاولي تاخذين بس كاكاو و مو العادي لا الدارك عشان انفع حق عملية الايض

    و عن الشاي جربي الاخضر و الاعشاب يساعد واايد بنقص الوزن

    بس خلي ارادتج و عزيمتج قوية و انشاءالله النتايج تبين

    و لا تنسين الرياضة حتى لو بس مشي نص ساعه باليوم

    ردحذف
  2. ساره النومس9 مارس 2011 في 2:54 ص

    آآآآه ياربي على البراوني يعذبني لووول

    سمعي انا اشرب دايت بيبسي صراحة احلا من طعم البيبسي العادي

    ومايأثر علطول اشربه بصراحة

    بس حيلج بالجاي الاخضر بدون شكر طعمه احلا وافيد بويد

    ردحذف
  3. Ducati9 مارس 2011 في 5:50 ص

    لووول والله حالتج صعبه وايد

    ما شربتي البيبسي مال امريكا انا الي ما احب هالسوالف ادمنت عليه

    ردحذف
  4. غير معرف12 مارس 2011 في 12:12 ص

    ويييييييه لازم تكون عندج ارادة لا تشوفين هالصور وتتحطمين ..

    لا تحرمين نفسج من اي شي بس خففي

    راح يكون فيه نتيجة ان شاء الله

    ردحذف
  5. oyoon al maha14 مارس 2011 في 8:03 ص

    شكرا جزيلا ااا يا كتكوتة على النصايح الطيبة :)
    فعلا انا مشكلتي الرياضة يعني الحركة بشكل عام

    حدي كسولة :/

    +++++++++++++++++++

    مشكورة يا طموحة

    انا قاطعة البيبسي دايت والعادي

    حاسة بضيقة خلق يا ختي حتى الأكل ما استطعمه !!

    +++++++++++++++++++++++++

    دوكاتي لا تعذبيني بكلامج :/

    انا مدمنة بيبسي لحتى الجنون


    +++++++++++++++++++++++++++++

    هديل جربت التخفيف مامنه فايدة !!

    ردحذف
  6. AM.SA.CHANNEL18 مارس 2011 في 5:12 ص

    لا عيون المها شو مسويه بعمرج إنتي .. هذا أكبر غلط تسوييينه ..

    أنا عندي قاعدة، إذا كنتي مدمنة على الشي لا تقاطعينه فجأة، لأن العقل يشتاق و يتوله على هالشي، فإنتي يوم تمنعين فجأة جسمج من شي هو يحبه و يعشقه، بيصيبر يوم و يومين لكن بعدين بينفجر و بتشربينه أكثر عن قبل.. و بيصعب عليج تهدينه ..

    شوفي شو تسوين، أنا مدمنة شاهي حليب و تشوفيني أِرب أكثر عن 4 أكواب في اليوم و بالذات في الشتا أشرب في البيت برع البيت .. و جاهي حليب يمتن وايد ..

    أنا أول ما بديت أقطعه، كيف بديت أشرب كوب الصبح على الريوق و كوب المساء، عشان جسمي يتعود، و يتعود على النقص .. الإسبوع الثاني بديت أِرب كوب واحد في اليوم الصبح أسويلي حليب كوفي و المسا جاهي حليب، بعدي تميت أشرب يوم و يوم لا، لين ما وردته ..

    إنتي الحين تشربين مثلا نقول 3 قواطي بيبسي في اليوم ..
    الإسبوع الأول شربي بس 2، الإسبوع اثاني شربي واحد عقب أي وجبه، الإسبوع الثالث إبدي يوم هي و يوم لا و عقب سوي يومين لا و يوم تشربين..

    تعرفين ليش نحنا ندمن على هالأشياء لأنه نسبة السكريات ترتفع عنا يوم إنج تودرينه تدريجيا تخف السكريات في الجسمو تخف الشهية لهالشي .. على عكس نسبة السكريات مرتفعة في الجسم و تين فجأة تقطعينها، هي مرتفعه أصلا غلط لازم إنتي تكونين أشطر عن عقلج تقللين من نسبة السكريات في جسمة و عقب تقدرين تسيطرين على عقلج و تقاطعين البيبسي .. بس ممكن تستبدليهن بمياه غازية، سواء كانت خاليه من النكهات أو بنكهات ..

    ممكن تشوفين هالبوست ..


    http://amsachannel.blogspot.com/2011/03/blog-post_18.html?showComment=1300441909853#c2805491913230760816


    ثاني شي منو قالج إنه الجاهي مب زين و ماينفع وقت الرجيم ؟؟
    شربي جاهي لكن بعد الوجبة ب نص ساعة و أنصحج لو تستبدلين السكر الأبيض بالأسمر، على الأقل الأسمر صحي و أحسن من الأبيض .. !!


    ثالثا بالنسبة للسويتات و البطاطا بعد هم تقدرين تاكلينه .. ما أجذب عليج لكن مشكلتنا يومم نتبع أي نظام عشان نظعف، نحرم عمارنا من الأكل و نعتقد إنه هذا الحل، النظام السليم إنج تاكلين أكل نظيف البطاطا نظيف، لكن لا تقلينه إشويه و كليه، و ممكن تاكلين بطاطا إذا إتبعتي نظام الكسر .. و ممكن تاكلينه بس تسوين رياضه تحرق اللي كلتيه، لأنه كل حبة بطاطا تحتوي على 10 سعرات حرارية ..

    إن شاء الله هالبوست يساعدج

    http://amsachannel.blogspot.com/search/label/%D9%85%D8%B0%D9%83%D8%B1%D8%A7%D8%AA%20%D8%B1%D8%B4%D9%8A%D9%82%D8%A9

    ردحذف
  7. AM.SA.CHANNEL18 مارس 2011 في 5:13 ص

    على فكرة الجاهي الأحمر وايد له فوايد، بس لا تشربينه مباشرة بعد الأكل ..

    ردحذف

الاشتراك في: تعليقات الرسالة (Atom)