الخميس، 26 مايو، 2011

fast 5 .. لايطوفكم !!

fast five





فيلم الاثارة والأكشن والادرينالين المرتفع

والكوميديا الطاغية ..

الفيلم أجواءه مختلفة .. التصوير كان في البرازيل (rio)

الفيلم أحتوى على الابطال الرئيسية + ابطال من الأجزاء السابقة + وجوه جديدة


آآآآه يا فان ديزل كالعادة مبدع




الوجوه من الأجزاء السابقة




الوجوه الجديدة وأي وجوه :)




نصيحة ... شوفوا الفيلم بالسينما بأسرع وقت

ما راح تندمون .. الاحداث سريعة وشيقة

اترككم مع لقطات من الفيلم




البطلة ضعفانة حييييييل بالفيلم عصلة بشكل مو طبيعي !!

الاثنين، 9 مايو، 2011

white i phone 4G OR Galaxy s 2

السلامـ عليكمـ

كيف الحال ؟

وسط هالعاصفة الالكترونية !!

قررت أني اغير تلفوني

>> من صجج تو الناس ..!!

شسوي عشقي لسوني واريكسون وولائي له .. خلاني اتراجع في هذا القرار


المشكلة اني حدددددددي مترددة

شنو أختار ؟!



اختار iphone 4G

خاصة انه نزل اللون الأبيض ؟






ولا اختار جلاكاسي 2 وخاصة انه ايضا نزل بالسوق ؟!



ولا انطر اي فون 5 ..!!


ما ادري حدددددددددده احترت ... وما ادري شنو اقرر


ساعدوني


HELP ME

الثلاثاء، 3 مايو، 2011

التعليقات صفر ..!!

السلامـ عليكمـ


ليش مافي أحد يرد على مواضيعي في المدونة ؟

شنو الأسباب ؟

ودي استفيد من تعليقاتكم ومشاركاتكم ؟

حددددددده انحبطت :/

وحدددددددددده كسرتوا فيني :/


اعتقد عالم المنتديات فيه تفاعل اكثر من جذي ...

أفا .. اعتقد عالم المدونات افضل

الاثنين، 2 مايو، 2011

(( أحسن معمول ))

السلامـ عليكمـ

شخباركم ؟

شنو مسوين ؟

معروفين وبالذات الخليج - نحب الطيب والبخور والتطيب

الله يا زين البخور زيناااااه

شي يرد الروح ويداوي الجروح ويخليني اسرح في عالم ثاني



اليوم راح أتكلم عن أحسن معمول استخدمته من تجاربي


معمول العود مبخر من أجمل


راقي ، فخم ، ثابت ، روعة اشوية عليه

اتحداكم اذا محد يسألكم عنه






محمول حنان من عبد المحسن

ناعم وحلو وراقي جدا









معمول فاخر من أطياب المرشود

حلو وريحته ثابتة :)








اذا عندكم تجارب تفضلوا منكم نستفيد اعزائي القراء

السبت، 30 أبريل، 2011

هذه حالة بذمتك ..؟!




مابي أخلي موضوعي مآساوي ..

بس وأنا قاعدة أسمع اغنية ( هاذي حالة بذمتك ؟!)

تذكرت .. وتوجعت .. قلت ليش ما اكتب خواطري هني مع اني ترددت..

من قبل جم اسبوع رحت حفل تخرج اختي بالجامعة ..

ورجعت على الذكريات كنت في نفس هالمكان قبل ثلاث سنين ..

شنو اللي تغير ؟1

كنت وحيدة ..قبل ثلاث سنين ..

ادور على رفيجة أضمها .. واحضنها ونشارك افراحنا مع بعض

مالقيت

دورت بين وجوه الناس الحاضرين على وجوه عائلتي واسرتي

مالقيت

دورت على ايد الحبيب .. يبارك لي في أسعد لحظات عمري

مالقيت

بعد ثلاث سنين شنو اللي تغير ؟!

ولا شي

الحال هو نفس الحال

الانجاز والاحلام والطموحات ..

ما تتحقق منها شي

هي نفسها نفسها مركونة على الرف .. ترسها الغبار الزايد هاليومين

اظل متفائلة ..

مثل المطر اللي يغسل الغبار

يمكن ربي يرزقني هالمطر في حياتي ؟!

يغسل همومي ومعاناتي وآلامي ..

يمكن بعد فترة .. وبعد سنوات ..

اقرى هالخاطرة واضحك عليها واقول انه كل شي تغير وصار كل اللي اتمناه ..!!


يمكن ..؟!



الثلاثاء، 26 أبريل، 2011

لعبة الصراحة في مطعم ناز الايراني !!

السلامـ عليكمـ ورحمة الله وبركاته

بعد ماسويت مشاوير مع  اخواتي .. وحدة منهم صكها اليووووع ..

بطريجنا الجابرية واقرب مطعم كان مطعم ناز الايراني

المطعم موجود في جمعية الجابرية  نسمع عنه بس أول مرى نجربه

عالعموم ..

دخلنا وصعدنا بالأصنصير وصلنا المطعم

حدددده هادي وحلو والخدمة سريعة جدا

القائمة متنوعة

بس ما كثرنا

طلبنا بطاط مقلي ومشكل مشويات والطلب يجي معاه عيش بنكهات مختلفة 

وطلبنا شاي  وسبرايت وهالسوالف ..

يا زين الخبز الايراني واهو حاااااار - الله على الطعم  *_^

طبعا السعر رمزي جدا جدا

تقييمي للمطعم  حلو بس مو واو طبعا ، يعني يصلح حق شي سريع على الماشي..


طبعا ..


الشي اللي صار بقعدتنا .. انه اختنا اللي طايحة من اليوع اقترحت لعبة الصراحة ؟

يعني أسئلة نوجهها لبعض لكن بشرط انجاوب عليها بصراحة ..!!


راح اقول لكم الأسئلة يمكن تلعبونها مع ربعكم او اهلكم ..

الأسئلة حدها صريحة وقوية والميزة

يمكن اتعرف عن اللي جدامك اشياء ما كنت اتعرفها

@_@


من الأسئلة اللي قلناها في اللعبة ..

1- شنو الشي  سويته وندمت عليه ؟

2- لو بايديك اترد الزمن لورى شنو الشي اللي تبي تعدله او تغيره؟

3-في شخص ودك تقوله ( آآآسف على اللي سويته بحقك) ؟

4- اتفكر بالزواج ؟

5- شنو اشد امنية تتمناها الحين ؟

6- شخص توفى - لو كان الحين واقف جدامك شنو راح تقوله على طول ؟





يلا قراء مدونتي اوجه لكم هذه الأسئلة السابقة وجاوبوا عليها

بصراحة شديدة

قدها ولا ؟


والآن اخليكم مع صور المطعم










الجمعة، 22 أبريل، 2011

عطور حلال فيها الفلوس *_^




السلامـ عليكمـ

كيف الحــال ؟

آآآآخر مشترياتي من العطور ..













عطر hypnotic dior  الجديدة

كل ما اروح مكان .. الكل يسألني عنه .. ؟!
شنو حاطة وشنو حاطة ؟؟
العطر يتميز رائحة قوية قوية قوية  وثابته ..












عطر roberto cavalli 

 العطر منعش وخفيف للصيف
اتحسون بانتعاش مو طبيعي
وثاااابت على الملابس لساعاااااات













عطر la prairie perfume rain 

منعش منعش منعش على الصبح ..
اذا انتي رايحة مشوار خفيف وسريع
رشي منه راح يغير نفسيتج

















مع أمنياتي لكم بأيام معطـــرة وسعيدة

بانتظار تعليقاتكم الطيبة

*_^


الأربعاء، 20 أبريل، 2011

هالمرة هبة MAC وبس ..!!

السلامـ عليكمـ

ديرتي الكويت .. معروفين بالموضة والهبات والطلعات ..!!





آآآآخر سنتين هبة MAC طغت على الديرة

وصارت شغلنا الشاغل ..

لدرجة انه اول مانزلت المنحة الأميرية الكل فكر بشراء منتجات ماك

يتروالي لازم شركة MAC تسوي احصائية خاصة بدولة الكويت
وتعرف الشركة جم اربحوا منا هالسنة بالذاااات :)

منتجاتهم ماك صارت عند الكل ..

الصغير والكبير !!

الفاهم والجاهل ..!!


بس انا لهذه اللحظة مستغربة اشلون ( طفل) في الابتدائية يكون عنده أي باد ..؟!

شي عجيب .. غريب

الآي فون صار عند الكل ..ونغمته رنت في جميع البيوت
تهقون راح ينزل G5
???





الآي باد  الرفيق الحبيب من الصعب فراقه






والآي بود .. لابد من للأغاني والفيديوات والألعاب




آآآآه يا مــاك ..

شنو سويتي فينا ...؟!

الأحد، 17 أبريل، 2011

فضفضة ريجيم 7

السلام عليكم

يا جماعة انا زعلانة :/


 اتمنى مشارككتم في المواضيع الثانية في المدونة .. 
الله لا يحرمني من  تعليقاتكم الطيبة




عالعموم ...أقولكم آآآآخر اخباري عن الريجيم ..

آآآآه
كل شي يبيله صبر
كل شي يبيله عزيمة
الاحلام من الصعب تحقيقها


راجعت دكتور التغذية وبلغته عن مشكلتي وهو التساقط الرهيب في شعري ..

على الجتف وملابسي ومخدتي .. الحالة مــآآآآساة

عطاني كبسولات وانا أصلا عندي فوبيا من الحبوب

اي نعم :/ ادري راح تستغربون ؟؟؟؟


ما اعرف ابلع حبوب - آآخـــــــــــــااااااف منها

قالي الدكتور : اكسريها .. وذوبيها بالماي واشربيها ..!!


هذه صورة لحبوبي شريتها من صيدلية الشامية ..

ليما الحين ما خذيت منهم .. بس يقولون الفيتامينات تفتح الشهية صج ؟

واذا فيه نتايج زينة من هالكبسولات اكيد راح أبلغكم









حبيت اتعالج ايضا من الناحية الشعبية

وهي خلطات الشعر ..

خلطة الصبار مع الثوم


اول شي الثوم تحطونه على قشرة الراس
+ بعدين عصر اوراق الصبار ووضعها على قشرة الرأس 
 + بعدين ندهن شعرنا بالزيت او الماسك

انا الصراحة مالي مقاقة للخرابيط هاذي .. رحت الصالون وسووا حقي هالخلطة ..


والله !!

عجيب الخلطة تعطي لمعة حلوة للشعر وتنظف وتقوي الشعر
 بس المشكلة السعر غالي على جلسة واحدة
علشان جذي اذا تقدرون اتسوونه في البيت احسن لكم وأوفر



وانتهت فضفضتي ..بانتظار تعليقاتكم








...

الجمعة، 15 أبريل، 2011

THE BEST FLICKER EVER

السلامـ عليكمـ

الصراحة .. اذا حسيت انه صكت فيني الغلقة ..
وابي استانس وارفه عن نفسي اشوي

سيدة اروح اتصفح هالفلكر للمصورة أفنان سليمان

طبعا الكل يعرف موقع فلكر هو موقع متخصص لتحميل الصور + الفيديوات اغلب الحسابات في الموقع مجانية لكن طبعا اذا تبون مساحة اكبر مع مميزات اكثر تكون غير مجانية ..

 افنان سليمان  مصورة  مبدعة .. رائعة .. موهوبة ..
متميزة انا من أشد المعجبات و المتابعات لها


صورها متميزة جدا من حيث الالوان والزوايا والأفكار ...
الكلام اللي تكتبه كتعليق على الصورة معبر وحقيقي جدا
شي يحاكي المشاعر .. ويخليني اقول الآآآآه
احسها تفهم ما يجول بخواطر الناس ..

الله يحفظها :)

زوروا موقعها اللي أصبح عدد الزوار يفوق 30،000  زااااائر







NESCAFE .. مزااااااج

السلامـ عليكمـ

أحب النيسكافيه .. الصراحة إدمان ..

السبب الأول يصحصح ..

والسبب الثاني يخليني شبعانة لفترة طويلة ويتغلب على الجوع ويسد الشهية:)



الصراحة انا اسويه بمزاج

الموضوع بالنسبة لي مو ماي حار واقلبه وهالخرابيط لأ لأ لأ ..




المقادير كالتالي:

كوفي ميت + سكر سويت ان لو + نيسكافيه أسود + حليب ابوقوس + ماي حار






الخطوات

احط ثلاث قفاش من كوفي ميت + قفشة نيسكافيه ( القهوة سودة) + 2 سويت ان لو + اشوية حليب ابو قوس

بعدين اخلطهم بالقفشة حيييييييل

بعدين احط عليهم الماي الحار تطلعلي رغوة مثل رغوة الكابتشينو





وووووووواشرب مع الاستمتاع بالطعم وغالبا أكل مع النيسكافيه كاكاو او معمول تمر يعني اي شي حالي


جربوا ترى ما راح تندمون ..





الأربعاء، 13 أبريل، 2011

فيلم RIO

دعوة للانتعاش  .. للسعادة .. والضحك من القلب


فيلم RIO

الصراحة الفيلم عجيب .. مناسب للاعمار الكبيرة بس الاعمار الصغيرة في وايد قطات وكلمات ماراح يفهومونها بس اكيد رح يستانسون على الاغاني والرقص والايقاعات ...


الفيلم منعش جدا .. ويضحك .. ويوووونس


تدور قصة الفيلم عن ببغاء اسمه بلو على لونه ..
أصوله من منطقة ريو ( في البرازيل) وانه تم اصطياده ونقله الى منطقة منيسوتا وتربيه بنت ويصيرون ربع حيييييل .... فجأة يأتي عالم متخصص في الطيور يطلب من البنت صاحبة الببغاء بلو ....بضرورة التخلي عنه وانتقال الطائر الى بلاده الأصلية ريو لانه يعتبر آآخر طير في سلالته 
ولازم ينقذ فصيلته من الانقراض لابد ان يحدث  تزاوج 
 مع آآآآخر انثى موجودة في سلالته في ريو


وهنا تكمن المغااااامرة .. رحلة العودة الى ريو :)




لقطات ومشاهد وحورات مضحكة ... الموسيقى شي خيالي ..
وصوت المطربين رائع جدا وهاااااادي




مازال الفيلم موجود في السينما ... أتمنى لكم مشاهدة ممتعة





الثلاثاء، 12 أبريل، 2011

فضفضة ريجيم 6

قلبي .. قلبي وآآآآآآآآآه ياقلبي




أبشركم رجعت للانضباط والالتزام ..

مع انه للأسف اليوم كليت مافن كاكاو !!

بس أحسن من قبل - كنت مبدعة حيل الأسبوعين اللي فاتو

عالعموم :/

في مشاكل حاليا تواجهني ..


الامساك ..

ذابحني حيل وماني عارفة شسوي ؟

واللي اعرفه انه الامساك حيل يأثر على عملية انخفاض الوزن

يعني يخلي الوزن ماينزل بسرعة !!

+

تسااااقط الشعر


انا خايفة بعد ما أضعف .. انه اصلع !!

عندي تساقط رهيب .. وما ادري شنو تنصحوني فيه ؟!




الاثنين، 4 أبريل، 2011

فضفضة ريجيم 5



والله مو عاجبتني نفسي هالأيام

أحس نفسي  .. تقهقرت ..!!

حلوة هاذي ....تقهقرت؟

من دون هالكلمات .. نقيت هالكلمة .. يعني مثقفة ..!!

عالعموم ارجع لمحور حديثي ..

أحس اني مو نفس عزيمة قبل .. يمكن بسبب النفسية والضغوطات..

أبي ارد سنعة وانضباطية بالريجيم ...



مشكلتي اني هالفترة احس في لخبطة حسابات ..!!

يعني مثل الأوراق المتناثرة ..

ماعرف ايهو الصالح وايهو الطالح ؟
ايهو الحين وايهو بعدين ؟
ايهو اللي ينطر وايهو اللي عاجل ؟


متى ماقدرت ارتب اولياتي .. راح اقدر ارتب حياتي ..


أشكركم حيل على متابعة فضفضة ريجيم


ماتدرون اشقد تعليقاتكم (( مفيدة )) حيييييل بالنسبة لي




الأحد، 3 أبريل، 2011

آآآآآآه .. كنت أظن انج رفيقة الدرب ..!!

السلام عليكم :

والله متأثرة سلبيا بوحدة معاي بالدوامـ

كان ودي تكون بينا رفاجة .. واخوة

ويكون على قلب واحد

بس مع الأسف تصرفاتها .. خاصة اتجاهي .. شيبت راسي

ودي اعرف السبب ؟

ماتوقعت .. انها بهطريقة ..

كل يوم تصدمني فيها اكثر من قبل

اللي مطفرني اكثر انها شاغلة جزء من تفكيري

....

لدرجة اني متحسفة اخصص لها الجزء او حتى اخصص لها جزء في المدونة اتكلم عنها

.......

ما ادري هل انا غبية ؟
وما ادري شنو التصرف ؟

الخميس، 31 مارس، 2011

فضفضة ريجيم 4

قلت أبي اتمشى ؟

أبي أتحركـ ؟

أبي اطلع من الجمود الى الحياة ؟

ومن الكسل الى النشاط ؟

وكالعادة الحماس يضرب أرقامه القياسية عندي .. والادرينالين يشب ويزيد ..

وبدون أي شعور اراجع المراكز الرياضية وأسأل عن الأسعار ..


 ويقع الاختيار على مراكز الوسيط ..!!


لووول


عالعموم .. اقلب بالصفحات واطيح على ذاك الاعلان ..


افضل وصف .. افضل سعر .. اشيل هالتلفون وادق ..

وباكر يطق العامل الباب وبايده وعلى ظهره الجهاز





جهاز مشي وفيه 8 أجهزة ..

حلو وجديد ..... وتخيلوا يا الغوالي













على حطته .........................................!!!


مامشيت عليه .. مامشيت


العاصفة الترابية مرت وترسته فوق الغبار ... غبار




وسلامتكم ..

الأربعاء، 23 مارس، 2011

ملاذ الروح



كالعادة  الدوام .. صعب وتعب وكسرة ظهر .. ارجع البيت علشان آكل لقمة هنية وانام جم ساعة وارتاح

لكن وين الراحة في دنيا فانية ..!!

اسمع هالخبر المزعج ..  وقلبي يمتلكه الخوف والقهر ..... والدمعة ودي افرها من عيني بس وين أقدر ..؟!

بعد الغدا احاول امارس حياتي الطبيعية .. مانمت العصر ولاشفت الراحة

طلعت العصر علشان اخلص اشغالي ..

ولكن بالي مشغول والدنيا الوسيعة ضاااااقت علي


رديت البيت وكان فيه زوار ...  استقبلتهم والابتسامة اتشق الويه ..!!


(( مافيني شي .. والقلب جريح .. مافيني شي والفكر يرد ويروح .. مافيني شي والبال مشغول ))

بعد الساعة 7 بالليل .. حسيت بختنق :/




سيدة شبكت بالنت .. قام يعلق ومايفج نهائيا ......ولا حتى صفحة ..!!



حتى المدونة .. موقادرة اكتب فيها .. مو قادرة اطالع الكيبورد .. موقادرة اجمع افكاري !!


دقيت على اختي يمكن افضفض لها .. اللي فيني خوف وتعب والم محتاجة الى اي احد ..!!


دقيت عليها ردت وقالت : بدق عليج .. بعد اشوي أنا الحين طالعة



بغيت اشتكي لأي احد في البيت  ...!!

محد صوبي ، ، ،


قمت اطالع السقف .. واجابل تلفوني على امل انه احد يدق وافضفض ، واقول كل اللي في خاطري :/


آآآآآآآآآآآآآآآآآآآآآآآآآآآآه








فجأة ..

شي غريب ..

كأنه ضمير او صوت ثاني

كأنه همس في اذني  .. (( صلي ركعتين لله ))








فعلا .. رحت توضيت  .. ولبست لبس الصلاة وفردت السجادة وصليت في داري

بمجرد ماسجدت ,, بجيت وبجيت وبجيت

وقلت كل اللي في خاطري ودعيت

وقريت من القرآن وقريت


عرفت انه ربي .. الهي .. خالقي .. هو ملاذ الروح الوحيد


والله يبعد عنكم الهم والكدر ويحفظكم من المصايب .. ويجعل السعادة في كل يوم تعيشونه


وادعولي بالمثل



الخميس، 17 مارس، 2011

فضفضة ريجيم 3

السلامـــ عليكمــ






آآآآآه من الريجيم وسنينه ..!!

الصراحة  أحس بإنه الارادة حدددددها zero

للحظات ودي أرد نفس الأول ..  كل شي اشتهيته لطيته ..!!


وللحظات اقول .. اذا غلطت راح أبتدي من الأول ........وأنا مافيني أبتدي من الأول ....!!


اشلون بصبر ..؟

الريجيم يبيله صبر وطول بااااااال يبيله ارادة من حديد *_*

اشلون أعلم نفسي الصبر ...؟ اشلون اتحمل هالرجيم مدة طويلة ؟


فكرت انه لازم يكون عندي دافع قوي .. يعني غير الاهداف اللي في بالي

محتاجة نوع من التحدي .. محتاجة نوع من المنافسة ..


يعني شي اتذكره كلما حسيت اني بخربط بالريجيم يمنعني - نوع من المنبه القوي ( جرس تنبيه ذاتي ) كأنه ضمير ويؤنبني!!

ما ادري شنو هالشي ؟



الاثنين، 14 مارس، 2011

نصيحة من قلب محب .. جربوا لوكسيتان !!

السلامـ عليكمـ

كيف الحال ؟

خل أطلع من مود عواصف الريجيم ولو اني مبدعة هاليومين >> لحد يشوفك !!

الموقع - الأفنيوز

المحل : لوكسيتان


محل فرنسي .. جميع المنتجات فيه عضوية وطبيعية .. مضمونة 100%

أنصحكم وبشدة من تجربة منتجات هالمحل .. لأنه اذا ماجربتوا .. طافكم *_*


راح أتكلم عن تجربتي المتواضعة مع بعض المنتجات :)




جربت ديودرنت أعشاب الليمون -

هالديودرنت خالي من الكحول والألمنيوم الصراحة احس بجفاف ونظافة مو طبيعية غير انه يدوم 24 ساعة





جربت زيت اللوز - لدهن الجسم واليد والقدم - نعومة رائعة والبشرة تمتص الزيت بسرعة







مزيل مكياج العيون - المنتج الساحر قطرة وحدة على القطنة يشيل اقدعها ميك آب والميزة مالته انه غير ضار للعيون وماتحسس منه







ماسك الأرز الأحمر - يوازن الدهون في الوجه وينظفها جربته بس يبيله متابعة :)





كريم الشيا للقدم - آآآخ على الترطيب ، لايطوفكم :)










وهذه تجربتي مع "لوكسيتان "

 ان شاء الله اكون افدتكم


أتمنى لكم دوام الراحة والرخاء والسعادة ،،،

عندكم تعليقات حياكم يا الغوالي


الثلاثاء، 8 مارس، 2011

فضفضة ريجيم 2

ســلاااااااامـ






آآآآآآه غرامي شي اسمه ( بيبسي )

يا جماعة طعمه مع الليمون والثلج عذااااب خاصة بعد وجبة دسمة


(( لعابي يسيل الآن ))


حاليا قاطعته بجميع انواعه واشكاله والوانه حتى الدايت وزيرو سعرااااات .


قاطعته لمدة شهرين فقط




يا ريتني ضعفت ، لأ ..!

آآآآآآه ... ساعات احس بالحنين والشوق اليه..


ساعات اقول من صجي ..!!

ساعات اقول انه ماعندي سالفة وخل ترجع ريما لعادتها القديمة !!




بس العقل يحكمني .... ويقول  :

وتعبج .. وصبرج .. تبينه  يروووووح ..!!






ويعود فيني المنطق من جديد ..



+++++++


والآن سويت غزو من نوع آآآخر ...





ليش مـــا أقطع الشاي ( الأحمر) بالمرى ...؟!

يلا علشان تكمل *_*

حاليا قطعت الشاي لمدة (يومين ) فقط لأني مدمنة شااااااي لحد الجنون :/

يازينه مع الزعفران وماي الورد

آآآآآآآآآآه ياقلبي



++++++++++++++++++++++++++++++






بالنسبة للحلويات والبطاط والكيك ×_×

مستحيل ,,,,,,,وما أقدر لو شنو !!

كل يوم اكلهم تقريبا ..

ريجيم أي كلام مو ...؟

شسوي ...؟؟؟؟؟؟


ادعولي بالهداية والصبر ..


السبت، 5 مارس، 2011

فضفضة ريجيم





اتخذت قرار انقاص الوزن والوصول الى هدفي (الرشاقة)

علشان جذي من فترة الى فترة  راح أكتب عن هذه التجربة ..

آآآآآه .. يلا فضفضة ونقل خبرات عن هذه التجربة

السمنة سببت لي أزمات عاطفية واجتماعية وصحية ونفسية كذلك
خلال سنوات طويلة ..

حان الوقت !

تأخرت أو لا .. المهم اني بديت *_*


طبعا هالكلام قلتها اكثر من مرى .. بس مثل ماقلت لكم في الموضوعات السابقة  عدم الجدية اهي اللي اتخلينا نبتدى من الصفر وتسبب لنا الاحباطات والمشاكل

راح اجرب هالمرة وراح احاول 

 واذا حصلت نتايج ايجابية راح أكتبها أول بأول في المدونة

واذا ماكتبت نتايج عرفوا اني مازلت سمينة @_@

اتمنى لكم الصحة والعافية وتمنوا لي ( النجاح)









السبت، 19 فبراير، 2011

كل طراق بتعلومة ..!!





السلام عليكم :)


صارلي فترة ماكتبت ..

حبيت أشارك بهذا الدرس اللي علمتني ياه الحياة ( الحياة معلمة بامتياز)

عالعموم ،،

تعلمت انه اتخاذ القرار ليست خطوة كافية !!

بل لا بد من الجدية في تنفيذ القرار..



المعنى :

كل واحد فينا يقدر يتخذ قرار بمنتهى سهولة ..




فرضا :

ارغب الوصول الى الوزن المثالي

ارغب بالنجاح بامتياز

ارغب بالتخرج

الخ من القرارات ..


من السهل جدا اتخاذ القرار ولكن الصعوبة تكمن في تنفيذ القرار


اذا لم تتخذ خطوات جدية في تنفيذ القرار في الحالة هاذي يكون ضيعنا علينا

الوقت
الجهد
المال

اي اضرار مضاعفة


اهم شي (( الأيام اللي تضيع من العمر واللي ما نقدر نردها )) هذا اكثر الاضرار شدة



انا .. اتخذت قرارات عديدة في حياتي .. لكن عدم جديتي في تنفيذها .. وصلتني الى حالة من الاحباط والانهزامية والتعب :/


حبيت أنقل لكم هذا الدرس الذي تعلمته بعد (( سنوات )) ضاعت من عمري

(( الجدية التامة في تنفيذ قرارتكم .. يحميكم من الأضرار الشديدة))



وفي الختام :

أتمنى لكم .. ايام سعيدة تتذوقوا فيها حلاوة انجازات لقراراتكم :)


دمتم بود


الخميس، 27 يناير، 2011

احترت في العنوان ..!!



احترت في كتابة عنوان الرسالة الجديدة ..!

ماعرف شنو اكتب ..؟

اخلي العنوان ارضاء الناس غاية لا تدرك ولا البنات همهم للممات..؟!

شنو سر وراء الإثنان ..!!

راح اقولكم ،،

احس البنت ( الأنثى) مسكينة وتحت مجهر الناس


والدليل محد يخليها  بحالها ..!!




اذا تخرجت البنت من المدارس وادخلت الجامعة

الناس تسألها : متى تتخرج ؟!





واذا تخرجت البنت :)

الناس تسأل : متى تتوظف ؟







واذا توظفت البنت :) :)

الناس تسأل : متى تتزوج ؟!








واذا صار النصيب .. وتزوجت :):):)

الناس تسأل : متى تحمل ؟






واذا حملت البنت   *_*

الناس تسأل : شنو جابت .......؟!

واذا جابت بنت !!

الناس تسأل : متى تجيب الولد ..!!








واذا جابت ولد

الناس تسأل : متى تجيب البنت ...!!







واذا جابت ياهل .. متى تحمل بعد وتجيب درزن يهااااااااااال ..؟!



وااااااااااااااااااااااااااااااااااااااااااااااي



مسكينة البنت




=/