الجمعة، 31 ديسمبر، 2010

سنة 2010 انتهت !

السلامـ عليكمـ

سنة 2010 انتهت ..



في زمن قياسي .. لو أبي اسوي عملية احصائية سريعة على انجازاتي ..

دون ذكرها .. راح أوصفها ( بانجازات متواضعة )

مثل اللي وده يمشي مسافة 10 كيومترات اكتفى بكيلو متر واحد فقط ..!!

لكن هنالك خاتمة جميلة ..


اختتمت السنة هاذي بمطر رقيق هطل على ديرتنا الغالية الكويت

وبتسجيل متابعة لــ 10 متابعين لمدونتي :)

يمكن يصيرون 11 باجر في بداية سنة 2011

مادري ليش قاعدة اضحك الحين بس الجملة اللي قبل فطستني من الضحك *_*


عالعموم ...

سنة جديدة ..2011

ماهي الانجازات التي حققتها في سنة 2010 ؟

ماهي الاحلام والطموحات التي ترغب بتحقيقها سنة 2011؟

هل وضعت خطة لكيفية تحقيق احلامك لسنة 2011 ؟






مع تمنياتي لكم بسنة سعيدة


الاثنين، 27 ديسمبر، 2010

فيروز ولميس !!

السلامـ عليكمـ

أنا من أشد المتابعين لمسلسل التركي ( العشق الممنوع )

وهذا اول مسلسل تركي اتابعه بهطريقة ..

أشياء كثيرة شدتني .. من بينها

الأجواء ..

بصراحة موقع البيت اكثر من رائع واطلالته على البحر ..

لون البحر وكيفية ارتطامه بالقوارب ..

ازياء الممثلات الراقية .. غير الوجوه الحسنة ..

المسلسل قصته عن الخيانة والشهوة .. والصراحة انا الذي يلفت انتباهي اشياء اخرى في المسلسل تشبع مشاعري ..

لاتهمني قصة المسلسل لاسيما احداثه متسربة في الانترنت بالاضافة الى عرض الحلقة الأخيرة ..!!

عالعموم :

الذي لفت انتباهي أيضا لميس خانو وهي مربية في المنزل ملامحها شبيهة جدا ومتقاربة الى المطربة المعروفة فيروز اللبنانية

تفضلوا الصور وقولوا رايكم قرائي الأعزاء ... اشرايكم هل يوجد تشابه ..؟!



السبت، 25 ديسمبر، 2010

color me mine !



السلامـ عليكمـ ،،

مثل ما وعدتكم راح أعرض القطعة اللي اخترتها من محل color me mine

وهذا هو رابط موضوعي السابق :



النتيجة النهائية مو عاجبتني :/

حسيتها في قمة البشاعة .. والسبب طبعا انا !!

القطعة اللي رسمتها اختي كانت جميلة ورائعة ..أما أنا لا!

عرفت السبب؟

أفكاري كانت كثيرة .. ومشتتة .. ومتزاحمة

سبحان الله نفس هالرسمة !!

ماعرفت اشلون ارتبها ؟

 والمفروض وسط هالزحمة والضغط كله أعيش حياتي


اشلون ..؟

القطعة يمكن تكون بشعة ولكن تعني لي الكثير  :/

الصراحة مابي تكون حياتي مثل هالقطعة ..

علشان جذي تعمدت أحط القطعة في غرفتي


علشان اشوفها كل يوووووم




وأتعلم من اللي صار


والحين أترك لكم التعليق على القطعة

&

live ur life



الاثنين، 20 ديسمبر، 2010

أنا عايش ومش عايش :/




للإنجاز طعم ولذة يختلف عن أي شيء آخر ..

أتمنى لو أتذوقه ..!!

أمس وضعت أهداف.. أتمنى أقضيها في وقت فراغي

وكالعادة .. عندي عملية التخطيط من أروع ما يمكن

ولكن .. انجاز هذه الأهداف  يكون نادر جدا وقد يكون معدوم !!

المشكلة .. اني أعرف أخطائي :/

أعرف نقاط ضعفي .. أعرف علتي .. أعرف دائي ..

علتي كالتالي :

أنا شخصية كسولة جدا .. واذا كانت هنالك مهمة استطيع القيام بها خلال ساعتين أنجزها في 10 ساعات وأكثر!

أنا شخصية تهوى تأجيل الأعمال الى وقت لاحق بحجة ضيق الوقت والأوليات ...الخ

أنا شخصية تحب الشروذ الذهني واحلام اليقظة لساعات طويلة ..

انا شخصية ضعيفة الارادة .. ولا اعرف الالتزام .. وأستسلم بسرعة ..

أنا شخصية تعاني من خوف شديد .. لتجربة كل ماهو جديد ..

أنا شخصية تستمتع بمشاهدة التلفاز والأنترنت ..

أنا شخصية لاتكمل أبدا ما بدأته ..

أنا شخصية لا أتعلم من أخطائي ..





أرأيتم .. من أنـــا ؟!

بالمقابل أعرف دائي ..

ولكن دوائي صعب على أي إنسان ..

حربي هي (ترويض ذاتي)

أريدها أن تكون الأفضل ..

 أود تغييرهــا .. أريدها أن تنصاع ..

أريدها أن تنجز أحلامي وطموحاتي وأهدافي ..

أريدها أن تساعدني *_*





أود أن أقفز في الهواء .. أريد أن أصرخ من شدة الفرح ..

أريد أن أنجز شيء :/


 




أرغب بأن أعيش ..

أرغب بأن أعيش ..


أرغب بأن أعيش ..








الجمعة، 17 ديسمبر، 2010

المخاوف تعرقل حياتي !




شنو يعني الخوف ؟

مشاعر شديدة تمنعك من القيام بشيء معين ..

قد يكون خوف مزمن أو خوف لحظي ..

في أشياء وايد ودي أسويها .. لكن مع الأسف الخوف يمنعني منهـا !

المشكلة انه الخوف تطور عندي الى حالات من القلق والهوس والوساويس ..

اختلق قصص من لاشيء ،

خوف من تجربة الأشياء الجديدة ،

 الخوف من المغامرة ،

الخوف من الخطأ

الخوف من المجهول ..!!

+++++

السؤال : لمتى ..؟!

الأربعاء، 15 ديسمبر، 2010

لا تؤجل عمل اليوم الى الغد ..!!


 


(( لا تؤجل عمل اليوم الى الغد ))
ورب الكعبة ( حكمة عظيمة )

من سمات شخصيتي ( كسل مو طبيعي )

عندي عبقرية فذة في التخطيط .. لكن اخفاق لا يوصف في التنفيذ والانجاز

المفروض عندي موعد ..

تخيلوا الموعد قمت وأجلته لمدة ثلاث أسابيع ..!!

موراضي يصير !

ليش لأنه كسلت بالموعد الأول أروح ..

وظل يتأجل راح يمر شهر وانا ليما الحين الموعد ما رحت له ، 

لهذا نصيحة من قلب محب

لا تأجلوا عمل اليوم الى الغد ..

يمكن تسألون عن أسباب التأجيل ..؟

دائما أتحجج من ضيق الوقت وانه ماراح يمدي وهالشي مو صحيح ..

هذه كله مني والكسل لعب لعبته صح

اليوم فيه 24 ساعة

اشلون مايمدي ؟

يمدي .. يمدي .. يمدي

اتسوون كل شي تبونه :)


هذا درس غالي تعلمته ..

وحبيت أنقله لكم



الاثنين، 13 ديسمبر، 2010

أكبر طراق!



توني راجعة من قعدة الرفيجات ..

سوالف وضحك وفطاير وعصاير ولازم مكسرات وشاي ..!

بس ختامها مو مسك !!!

بعد ماخلصت القعدة وانفضت ..

وانا طريجي بالبيت .. طول الوقت ضايق بالي وسرحاااانة ’’

الحسرة ماكلة قلبي آكــااااااال :/


ليش ؟

انا اقولكم ليش ..؟


كل وحدة من رفيجاي حققت احلامها وطموحاتها ..

اللي ضعفت .. واللي قدمت على اكمال دراستها .. واللي ترقت .. واللي واللي ..


وأنـــا ....؟!


محلك سر .

رجعت البيت مددت جسمي على السرير

والدمعة فرت من عيني ؟

السبت، 11 ديسمبر، 2010

آه .. من ضيقة الوسيعة !



ما اردي اشفيني هالفترة ..؟!

الدنيا واسعة .. وأشوفها ضيقة ،

قلت خل أطلع اشوي واروح عن نفسي ..

طلعت أمس وعند أحلى المكان (البحر) وما ارتحت ..

خططت اروح أكثر من مكان علشان اقضي حاجاتي الضرورية !

ماسويت ولا شي :/

من كثر الوجع اللي فيني ...

احس كل طاقاتي مسحوبة مني .. موقادرة أبتسمـ

شنو صاير فيني ؟!

قريت هالموضوع :

ولاحظت أكثر من نقطة .. فعلا خلتني ابتسم لو لثواني

عل وعسى تكون هي الدواء

تفضلوا بقراءة الموضوع .. وان شاء الله تستفيدون منه






الراحــة النفسيــــة

هي مطلب كل إنسان وكثير من الناس يفتقدها
بسبب
سوء إدارته لحياته!

لذلك نقدم هذه الخطوات العملية البسيطة

لحياة أكثر راحة واسترخاء :-


1 . راجع علاقتك بربك ..


حافظ على الصلوات في وقتها

(مع الجماعة بالنسبة للرجال)

ولا تستعجل بالخروج من المسجد بعد الصلاة

بل اجلس وسبح وهلل وكبر كما أرشدك لذلك

نبيك صلى الله عليه وسلم

وأكثر من النوافل وجرب لذة ركعتي الضحى

ومناجاة آخر الليل













2 . ابدأ بالتفكير المنفتح في نفسك وصحتك




 واعلم أنها ليست أقل أهمية من صحة غيرك

الخطأ الذي يقع فيه كثير من الناس

هو أنه يقلق ويهتم لصحة غيره


كالأبناء والزوجة والأهل الخ

أكثر من نفسه ناسياً أنه لن يستطيع نفع غيره

إذا لم ينفع نفسه أولاً









3. ابحث عن المتعة فيما تفعل ..


لا تأخذ الحياة بجدية صارمة بل اضحك

واخلق لنفسك شيئاً من البهجة

مهما كانت قليلة أو بسيطة

لاتجعل عملك الجاد أو حرصك على تحقيق النجاح

في حياتك  حائلاً

دون استمتاعك بلحظات صفاء و إسترخاء و مرح
العمل مهم بلا شك والحصول على المال مهم أيضاً

لكنك ربما لن تعيش طويلاً لتستمتع بما تجمع

إذا كانت حياتك مليئة بالضغوط









4 . لا تحضر العمل معك إلى المنزل





واستقطع وقتاً مع أسرتك واعمل على جعله

وقتاً ممتعاً وسمّه

"ساعة الهناء"

لا تتحدث فيه عن المشكلات ،

ولا تحاول فيه إيجاد الحلول بل اجعلها ساعة هناء فعلاً









5. تجنب المشكلات




واعمل على إصلاح علاقتك بمن حولك لتعيش بسلام

لا تبحث عن أخطاء الآخرين فإن ذلك

يزيد من رصيدك من الأعداء الذين يسرقون سعادتك ،

كما أنه يستنزف رصيدك من الأصدقاء

عندما تحتاج إلى من يقف بجانبك وكلنا بحاجة

لمن يقف بجانبنا يوماً ما








6. تعلم إدارة انفعالاتك ..




وكيف يمكن تتجاوز المشكلات بالحكمة ...

الحياة مليئة بالمصاعب

فحاول أن تمر من خلالها بأقل قدر من الخدوش تماماً

مثلما تفعل عندما تقود سيارتك في طريق ضيق







7 . تعلم أن لا تغضب ..


وفكر ملياً فيما يمكن أن تقوله لكي لا تساهم في تفاقم المشكلة هذا

لا يعني بالطبع أن تكون ضعيفاً أو مستسلماً للآخرين ،

بل كن خيّراً قوياً

المؤمن القوي خير وأحب إلى الله من المؤمن الضعيف

كما جاء في الحديث الشريف





8. سمّ المشكلات باسمها الحقيقي ..




وضعها في موقعها الصحيح ،

فكثير من الناس يتعب نفسياً

لأنه يذوب في المشكلة

فيرى أنه جزءٌ منها وأنها جزءٌ منه






9. عندما تجد نفسك عاجزاً عن إيجاد الحلول



 
توضّاً واستقبل القبلة

وصل لله ركعتين وألحّ عليه بالدعاء



.. فهناك تكون الحلول

وهناك يكون الأجر إن شاء الله







10. تعرف على مصادر الضغوط في حياتك



 واعمل على تجنبها أو التقليل منها على أقل تقدير ..

ولن يستطيع أحد فعل ذلك غيرك أنت




سدد وراقب


و



اعقلها و توكل



+++++++++++++++++++++++





 هذا هو الموضوع بعد اضافة الصور والتنسيقات

ادعولي

:)










الجمعة، 10 ديسمبر، 2010

colore me !

صباحكمـ / مساكمـ ورد

اليوم طلعت امبجر الصبح وما أنجزت ولا شي من اللي أنا أبيه ،،

يعني ماميش :/

شفت محل color me mine

اللي مايعرف المحل .. هو عبارة عن محل يبيع خزف على شكل قطع مختلفة في الأشكال والأحجام ويرسم عليها الزبون مايشاء ثم يحصل على قطعته بعد فترة ..














قلت : خل أحاول أرسمـ شي على قلاص (كوب)
او شي مربع او دائري أستخدمه للزينه في غرفتي ؟

كانت معاي أختي واطرحت عليها الفكرة واعجبتها ،،

دخلت المحل والصراحة اول مرى أجرب هالتجربة  ..

بعد ما اخترت القطعة وهي مربعة الشكل ..
واخترت حامل خاص لها .. واخترت درجات الألوان ..
والفرش والأقلام

وكذلك ورق المناديل بالاضافة الى أسفنجة لتوزيع الماء ..

وقعدت عالطاولة و شمرت الذراع !!






 

انصدمت ..

بعد هالحماس كله ..!!

وقفت للحظة طويلة مو عارفة شنو راح أرسم ؟

أو حتى أخطط على القطعة ؟؟


في هذه اللحظة لاحظت اختي .. لونت الخلفية وراحت عبأت اللون أكثر من مره ،،

وبدت تخطط وترسم ،،


وأنا واقفة ماني عارفة شنو أسوي ؟

شنو ألون ؟

أكتب كلمات وجمل ؟

ولا ارسم شي أحبه ؟

ولا ارسم شي أكرهه

ولا ؟

------------





 

أستغربت اللي صار فيني وقتها ..

ومازلت حتى الآن مستغربة ؟!


ماعرفت اخطط .. شي خاص فيني أحطه في الغرفة ..

ماهو شي صعب لهدرجة ؟

بس ليش في لحظتها حسيت بصعوبة بالغة !!



ليش انقطع حبل أفكاري بالشكل المخيف هذا ؟

الغريبة اني دايمن ارسم واشخبط

والحين يوم جتني الفرصة اني اعبر عن نفسي ولو برسمة

ماعرفت ...!!

هل انا ماعرف اقرى نفسي ؟

هل انا ماعرف شنو أبي بالضبط ؟

هل ماعرف اعبر عن نفسي ؟

هل فقدت ألواني ....................؟!


بعد معاناة وانتظار وحيرة !!

 رسمت أي كلام .. وخلطت ألوان .. وكتبت عبارة محتاجتها هالفترة

وماكنت مقتنعة باللي سويته *_*


عالعموم راح استلم القطعة بعد فترة وراح أعرضها لكم بالمدونة !!


بس مو تضحكون علي :/

واللي عنده أي تفسير أو تحليل نفسي للجمود الفكري اللي صارلي

في لحظتها ؟

رجاء حار فليدلو بدلوه ،،

وشكرا

الثلاثاء، 7 ديسمبر، 2010

رد الأفعال القوية !!



بصراحة الكتابة الحرة شي مريح 


اذا كتبت بالمدونات اوالمنتديات او حتى بالتلفونات شي مريح للنفسية !



قبل كنت أكتب بالقلم على المذكرات والأوراق 


 والحين الأمر تغير بس موحيل


الطريقة هي نفسها لكن الوسيلة متطورة أكثر    ،،

ماقول الا عالم المدونات جميل جدا ..

عالعموم مو هذا مو موضوعي؟







موضوعي على ردة الأفعال القوية ..!!




هل تعانون من هالشي اللي أعاني منه ؟



أشرح لكم ،،

وايد امر بالموقف هذا  ..


اذا دخلت في حوار مع أحد الأشخاص

ومع الأسف يحاول هالشخص بأي طريقة يفرض علي رأي  معين


الغرض من هالراي التجريح او الاستفزاز او الاهانة ..!!





ردة فعلي تكون .............!!


الصمت التام ؟!



أحس مخي قفل ..
فراغ ذهني تام ..
وكأنه الكلمات من العالم كله انتهت ..
وكأني طفلة ماتعرف الكلام ولاحتى النطق ،،


وبعد مايخلص اللقاء .. طبعا الشخص الآخر طلع منه منتصر وأنـــا بعد فترة ....



يهاجمني شعور بالكآبة والندم ..!!



واقول لنفسي (( أخ ))

(( ياليت ))

(( أخ وياليت رادة وقايلة كذا ... كذا وكذا .... ))




................




شنو الأسباب ؟

وين الغلط ؟

هل انا شخصية ضعيفة ؟

أم شخصية مسالمة ؟

هل انا قليلة استيعاب ؟

هل هذا غباء مني ولا ذكاء ؟

هل انا ماعرف ادافع عن نفسي ؟



اللي اعرفه انه هالشي لازم يتغير .. بحاجة الى ردة افعال قوية وسريعة وتظهر في الوقت اللي احتاجها فيه ..خاصة أثناء اللقاءات واجراء الأحاديث مع الناس


بحاجة انه هالشي يتغير  ..

مابي اكون لقمة سائغة ؟!


اشلون ؟!

ممكن اتساعدون ؟؟

الأحد، 5 ديسمبر، 2010

فوز مميز



لو نفكر فيها اشوية

سنة 2010

ثاني مرى راح أكتبها

10(20)... يعني خليجي عشرين

(10)20 .. يعني الكاس العاشر


الأرقام لها قوتها  ولها دلالتها *_^


سجل يا تاريخ ..

سجل ..

الكويت ملوك ..
حتى رجعتنا للصدارة رجعة وعودة غير عادية



هاذي الكويت

هاذي الكويت


صل عالنبي :)


الفرحة .. مو طبيعية

الفرحة .. تعبير متواضع عما يجول في الخاطر والنفس


الله يا بلادي


وأخيرا مابغينا نفررررح..؟؟؟

هذا الفرح راح يجمع الصفوف الكويتية ثاني مرى ..

وراح نحر الأعادي ..موتوا بغيضكم ..

محد يهدم وحدة الكويت ..

والدليل اليوم الكل صرخ وهتف لحب الأزرق ..


آآآآآآه يا بلادي


الله لو الفرحة تختم بمطر من السمــااااا


جان زين ؟ 


*_*

السبت، 4 ديسمبر، 2010

ضيقة الخلق :/



وين الضحك اللي مايفارق شفاي ؟

وين المزح اللي بدمي يسري ؟

وين السعادة ؟

وين الفرح ؟

______

رحت كافيه بلان ماراح أكتب تقرير عن تجربتي بالمطعم ..

كليت شنو ولا شربت شنو ولا بالأخير دفعت جم ؟؟

انا كنت هناك  لأنه ابي اهرب من همي وضيقة الخلق ..

أبي بحر .. ابي قهوة .. ابي ابجي اذا امكن !!

رحت المطعم وقعدت ..

اشوف الناس كلهم مثنى وثلاث ورباع وانا لحالي جالسة !!

أطالع البحر وأسرح وأسأل نفسي هالسؤال مليون مرة

ليش انا وحدي ؟!

ليش معظم الأوقات أنا وحدي ؟!

شفت وحدة قاعدة ابروحها قلت زين هذا عزائي ..

بعد فترة وجيزة شفت بنتين راحو صوبها.. اطلعت ناطرتهم !!

قلت في قلبي : هذا الطبيعي .. انا اللي الشاذة بين الناس

اي نعم .. منظري شاذ بين الناس

آآآآه لو يدرون انه الوحدة هو شريط حياتي !

اشوف البحر .. واسمع ضحك اليهال .. واشوف العوايل والربع والناس

كل مابداخلي وده يصرخ ؟
وده يصيح ؟

حتى المهرج .. خلصت كل العابه السحريه لاضحاكي ..

حتى روحي اتعبت انه اتعبر ،،

---------

بس مافيني أكمل تعبت ،،

:/



الجمعة، 3 ديسمبر، 2010

هذا الأزرق ( حبيبي )

2/12/2010



أحلى يوم ..

فزنا على العراق وبركلات الترجيحية

الحمد لله



ماكو كلمات اتعبر الصراحة

صعب التعبير في هذه اللحظات ..

عقبال الكــااااااس آآآآآمين


http://www.youtube.com/watch?v=sqzJkYkybSA

الثلاثاء، 16 نوفمبر، 2010

أبي يشعرون فيني:/






أبي ابگي من الضيقة وابعزف للهموم ألحان
أبي اطلق مواويل الحزن وبطرح گل دواويني
أبي أشگي أبي احگي ابوصف للبشر حرمان
أبيهم گلهم يدرون أبيهم يشعروا فيني








أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يگون لي خلٍ وعلى حزني يواسيني
أبيه لمرگبي مرسى وأبيه لغربتي أوطان
أبي لامن ذرفت الدمع لقيته لي يعزّيني

الاثنين، 15 نوفمبر، 2010

منتجات دايت كير ..!!

بالكويت خاصة بالفترة الاخيرة...

انتشرت   ,,, شركات منتجات التغذية قليلة السعرات الحرارية

بين قوسين  - الصحية

تعددت الاسماء والاشتراكات والعروض وعيادات التغذية الى آآآآخره

بس الصراحة انا مدمنة على منتجات شركة (( دايت كير ))





 قمة اللذة ..

أكثررر شغلتين احب آآآكلها وأتلذذ .. وما اقاومهم :/



ساندويش التونة





لازانيا اللحم







يمي يمي

^_^