الثلاثاء، 12 أبريل 2011

فضفضة ريجيم 6

قلبي .. قلبي وآآآآآآآآآه ياقلبي




أبشركم رجعت للانضباط والالتزام ..

مع انه للأسف اليوم كليت مافن كاكاو !!

بس أحسن من قبل - كنت مبدعة حيل الأسبوعين اللي فاتو

عالعموم :/

في مشاكل حاليا تواجهني ..


الامساك ..

ذابحني حيل وماني عارفة شسوي ؟

واللي اعرفه انه الامساك حيل يأثر على عملية انخفاض الوزن

يعني يخلي الوزن ماينزل بسرعة !!

+

تسااااقط الشعر


انا خايفة بعد ما أضعف .. انه اصلع !!

عندي تساقط رهيب .. وما ادري شنو تنصحوني فيه ؟!




هناك 6 تعليقات:

  1. حاولي تكثرين سوائل مثل الماي و جاي الاخضر زين بعد حق الهضم و الايض

    و على تساقط الشعر و جذي

    اكلي سمج و اشياء بحرية زياده

    زيت السمج حييل حيييل مفييد

    و يخفف من تساعد الشعر و يعطيه لمعة

    كلش كلش روحي الطبيب خل يسويلج تحاليل

    و يوصف لج فيتامينات على اللي جسمج محتاجه

    موفقة

    ردحذف
  2. هذي اثار الرجيم تحوشنا وايد علشان جذي يقولج في رجيم صحي و غير صحي

    ردحذف
  3. كتكوتة : عدل كلامج مشكلتي الحبوب ما اعرف ابلعها يصير اطحن حبوب الفيتامينات ولا ؟

    بالنسبة لزيت السمج قصدج يا الغلا استخدمها مع الأكل كطباخ ولا ادهنه بشعري ؟

    دوكاتي : شخبارك مع الريجيم ؟ وشخبار الركض ؟

    شكل الايبود مع الزمن عجيب :)

    بالعكس انا ريجيمي صحي واراجع التغذية (( بس مو ملتزمة بالمواعيد ))

    ردحذف
  4. لا انا قصدي تاكلين السمج ..

    اذا تبين شي تحطينه على شعرج يقويه و يزيد لمعته عليج ب زيت جوز الهند

    الفيتامينات مادري اذا تقدرين تطحنينهم ..

    بس في انواع تصير نفس الحلاو او الجلي

    ردحذف
  5. يا قلبي مشكووورة :)

    فدتني حييييييل بمعلوماتج الطيبة

    ردحذف
  6. بغيت أسالك لو عندك خلفيه شنو رأيك بكتاب رجيم دشتي؟
    سالت دكتوري بس قال ماعندو خلفيه ممكن عشان أنا من السعوديه
    بس قال لي عالعموم أي كتاب يحتوي رجيمه على البروتين بيكون مفيد وصحي وسمعت إن كتاب رجيم دشتي يعتمد عالبروتين
    والطبخ فيه نفس مأكولاتنا بس بطريقه صحيه
    يعني طبخنا الخليجي مو الطبخ الأجنبي

    ردحذف