الجمعة، 10 ديسمبر 2010

colore me !

صباحكمـ / مساكمـ ورد

اليوم طلعت امبجر الصبح وما أنجزت ولا شي من اللي أنا أبيه ،،

يعني ماميش :/

شفت محل color me mine

اللي مايعرف المحل .. هو عبارة عن محل يبيع خزف على شكل قطع مختلفة في الأشكال والأحجام ويرسم عليها الزبون مايشاء ثم يحصل على قطعته بعد فترة ..














قلت : خل أحاول أرسمـ شي على قلاص (كوب)
او شي مربع او دائري أستخدمه للزينه في غرفتي ؟

كانت معاي أختي واطرحت عليها الفكرة واعجبتها ،،

دخلت المحل والصراحة اول مرى أجرب هالتجربة  ..

بعد ما اخترت القطعة وهي مربعة الشكل ..
واخترت حامل خاص لها .. واخترت درجات الألوان ..
والفرش والأقلام

وكذلك ورق المناديل بالاضافة الى أسفنجة لتوزيع الماء ..

وقعدت عالطاولة و شمرت الذراع !!






 

انصدمت ..

بعد هالحماس كله ..!!

وقفت للحظة طويلة مو عارفة شنو راح أرسم ؟

أو حتى أخطط على القطعة ؟؟


في هذه اللحظة لاحظت اختي .. لونت الخلفية وراحت عبأت اللون أكثر من مره ،،

وبدت تخطط وترسم ،،


وأنا واقفة ماني عارفة شنو أسوي ؟

شنو ألون ؟

أكتب كلمات وجمل ؟

ولا ارسم شي أحبه ؟

ولا ارسم شي أكرهه

ولا ؟

------------





 

أستغربت اللي صار فيني وقتها ..

ومازلت حتى الآن مستغربة ؟!


ماعرفت اخطط .. شي خاص فيني أحطه في الغرفة ..

ماهو شي صعب لهدرجة ؟

بس ليش في لحظتها حسيت بصعوبة بالغة !!



ليش انقطع حبل أفكاري بالشكل المخيف هذا ؟

الغريبة اني دايمن ارسم واشخبط

والحين يوم جتني الفرصة اني اعبر عن نفسي ولو برسمة

ماعرفت ...!!

هل انا ماعرف اقرى نفسي ؟

هل انا ماعرف شنو أبي بالضبط ؟

هل ماعرف اعبر عن نفسي ؟

هل فقدت ألواني ....................؟!


بعد معاناة وانتظار وحيرة !!

 رسمت أي كلام .. وخلطت ألوان .. وكتبت عبارة محتاجتها هالفترة

وماكنت مقتنعة باللي سويته *_*


عالعموم راح استلم القطعة بعد فترة وراح أعرضها لكم بالمدونة !!


بس مو تضحكون علي :/

واللي عنده أي تفسير أو تحليل نفسي للجمود الفكري اللي صارلي

في لحظتها ؟

رجاء حار فليدلو بدلوه ،،

وشكرا

هناك 8 تعليقات:

  1. عادي .. هذا شي طبيعي

    شكله كان عندج افكار وااايد و لمن يتي بتطبقين شي تضاربوا عندج

    المره الياية لمن تشوفين القطع فكري شنو تبين و الالوان اللي محتاجتها رتبي كل شي

    و بعدها اخذيها عشان تكونيين جاهزه و متأكده من اللي تبينه

    و انشالله تطلع النتيجة مثل ما تخيلتيها

    ناطره تستلمين القطعه ;)

    ردحذف
  2. وناسة ودي اجربه هالمكان

    وعادي دايما تصير

    انا مثلا احب التأليف والتعبير وايام الثنوي بامتحان العربي يوقف مخي :/

    ناطرين القطعة نشوفها :)

    ردحذف
  3. شكرا يا الغلا كتكوتة على نصايحج :)

    ردحذف
  4. شكرا لمتابعتج هديل

    جربي المكان وان شاء الله ماتوقف افكارج نفسي :)

    ردحذف
  5. هالمكان رحتله مرتين

    مره مع رورو

    http://chayaltha7a.blogspot.com/2010/03/color-me-mine.html

    وثاني مره مع اختي

    http://chayaltha7a.blogspot.com/2010/06/again-color-me-mine.html

    وكان صج وناسه

    يبيلي روحه بعد :)

    ناطره الي سويتيه

    ردحذف
  6. السلام عليكم و رحمة الله و بركاته

    ان شاء الله تمام أردة ان أدعو كل أصدقاء مدونتكم المتواضعة لزيرة مدونتي و المشاركة في الموضوع الجديد الدي عرضته

    في انتضار زيارتكم تقبلو مني فائق الاحترام و التقدير

    سلام

    ردحذف
  7. أهلا أهلا شاي الضحى

    مشكورة يا الغلا على مشاركتي بتجربتج الجميلة


    :)

    ردحذف
  8. يا هلا ومرحبا

    بمدونة الأمل ومايصير خاطرج الا طيب

    ردحذف